عشان أفوق

عش ما شئت فإنك ميت ،

و أحبب من شئت فإنك مفارقه،

و اعمل ما شئت فإنك مجزي به.

أول يوم

قضيته أصوات دخلالى من أماكن مختلفة كأنى فى غيبوبة أو حلم

معملتش حاجة غير أنى سمعت

.

.
.

التكبيرات,

أنين الغلبان الى بيدبح,

ناس بتعيد على بعضيهم,

أطفال بيفرقعوا بمب و صواريخ,

و رريحة اللحمة المشوية

.

.

.

كل ده و أنا ناااااااااااايمة

و عدّى أول يوم .

طوفان

بعد الطوفان

الجو شبورة

ننده لبعض

بهمسة مذعورة.

بشويش نمد الأيدين

يلا أنت جنبى

أنت فين؟؟؟؟؟

كان فيه طوفان

خلاص مابقاش طوفان.

ألمسنى

ونسنى

أنا حيران.

حيرااااااااااان.

*******

محمد منير

منمتش

قلت أعمل نيولوك للبلوج ........ بموت فالأسود و الغوامق بس مش حقضيها كده

أفتّحها ؟ ....قلت يلا.

امبارح كان يوم عجيب .....تسليم بحث ......امتحان النقد الميد التيرم.........كورس أنا و نورا خلعنا منه و روحنا سينما

امبارح , زعلت ناس منى كتييييييييييييييير.

أمتى بأه حدخل أنام.

,أحس بالصبح

, أشوف الشمس

. زى زمان

أمتى؟؟؟؟؟؟؟

هلوسة

ممكن ألاقى نفسى

فى مكان

عمرى ماشفتوا

ولاحبيته.
أبعد عن عيون

حبتها آه

بس لازم تتساب.

*****

أتبسط لما أقف تحت المطره.

تفتكروا ليه؟

*****

كرهت قصايد الحب

من غير سبب.

بتخنقنى

*****

حاجات كتيرة

عمالة تطلع,

ملهاش نهاية

و لا مصدر,

,بس أنا عاوزة أعرف

و بعدين؟
*****

باليل أوى

و الناس نايمة

و الدنيا ساكته

بسمع زعيق جامد.

*****

الأضاءة كل حبه

عماله تقل.

خايفة

أنهاتختفى.
*****

كل ماتبرّد

أحس بدفا.
*****

بطلب إنى أتساب

حتى لو

,أتساب

,ماتمسكش

,ماتنقذش

.بس ده كان زمان؟
*****

دايمًا أشخبط

أكتر ما بكتب.
*****

كل ماشترى حاجة

مرتبطة بالذكرى

.تضيع

ليه؟
*****

طوفان جاى

و المفروض أستخبى.
*****

ساعتى مقدمة

ست دقايق.
*****

فى العربية ,
بفتح الشباك

و يدوخنى الهوا.

*****

رحيلٌ مُر

حروف متشابكة,

أُهملت على سطور متعرجة .

حاولت فكها,

اختفت ألوانها

لونتها,

تعقدت رتوشها.

فألقيت بها إلى علبتها المحكمة

و فرت بصورة بنفسجية.

تأملات

زهورٌ متناثرة

تبتعد عن شاطئ

لوّث بعبير ذكرى

تغزو دائرة الخلود.

وادٍ أخضر

-يتلاشى-

تاركًا رائحة عشبٍ مبلل

أدمنته روحٌ مبعثرة

تلملم شظاياه.

ابتسامةٌ بلا رتوش.

تثابر للبقاء,

تخفي ضعف كائن

كان يُطلَق عليه إنسان.

ثورةٌ تصطنع الزهد,

تخدعها بالخمود,

تفاجئها باجتياح

المحطة الأخيرة.

صفحات تُطوى,

تأمره بالرحيل.