Saturday, November 24, 2007

هلوسة


ممكن ألاقى نفسى
فى مكان
عمرى ماشفتوا
ولاحبيته.
أبعد عن عيون
حبتها آه
بس لازم تتساب.
*****

أتبسط لما أقف تحت المطره.
تفتكروا ليه؟
*****

كرهت قصايد الحب
من غير سبب.
بتخنقنى
*****

حاجات كتيرة
عمالة تطلع,
ملهاش نهاية
و لا مصدر,
,بس أنا عاوزة أعرف
و بعدين؟
*****

باليل أوى
و الناس نايمة
و الدنيا ساكته
بسمع زعيق جامد.
*****

الأضاءة كل حبه
عماله تقل.
خايفة
أنهاتختفى.
*****

كل ماتبرّد
أحس بدفا.
*****

بطلب إنى أتساب
حتى لو
,أتساب
,ماتمسكش
,ماتنقذش
.بس ده كان زمان؟
*****

دايمًا أشخبط
أكتر ما بكتب.
*****

كل ماشترى حاجة
مرتبطة بالذكرى
.تضيع
ليه؟
*****

طوفان جاى
و المفروض أستخبى.
*****

ساعتى مقدمة
ست دقايق.
*****

فى العربية ,
بفتح الشباك
و يدوخنى الهوا.
*****

2 comments:

JuSt_hUmAn said...

باستثناء أول مقطع(اللّي ما حبيتوش) فالبوست هايل
لكن يبقى المقطع دا أقوى مقطع

بالليل أوى
و الناس نايمة
و الدنيا ساكته
بسمع زعيق جامد.

فعلاً مالوش حل

بالتوفيق

Just Me said...

Amr,

ميرسى ليك جدًا على تعليقك و أهتمامك

بجد نورت البلوج