"مين ياخد عمرى القلقان ويدينى عمرى الماضى "
***
بتهَجمنى ذكريات طفولتى بضراوة يجى من أسبوعين و هى عزائى الوحيد الأيام ديه ..اللى مفرحنى كمان أن القدر متكاتف معاها..يعنى مفيش يوم بقى بيعدى إلا لازم يكون فيه و لو إشارة بسيطة لأيام زمان الحلوة..يوم ألاقى ماما تكلمنى عن ولادتى اللى قعدت يوم و نص(كأنى كنت رافضة أنزل للعالم الواطى ده) و اليوم التانى أعدى من قدام المستشفى اللى أتولدت فيها (عبد القادر فهمى) من غير أى ترتيب كده..بقالى يجى أسبوع راشقة ف مصر الجديدة خصوصًا روكسى و الكربة ( اللى كانت حاضنة خروجاتى أنا و ماما)..ده أنا حتى حلمت بيا و أنا صغيرة و صحيت من النوم ب نشوة عجيبة
حنين فظيع ملينى و كل مافتكر الطفلة ديه الدموع تملانى حتى لو كنت فرحانة
17 comments:
ذكريات الطفولة.. ياااه.. ربنا يكون في عونك..
ايه ده
انتي القمر اللي في الصورة ده
كنتِ كتكوتة خالص
ليه بس بتتوجعي لما تفكري في اللي فات
كل سن وله حلاوته وجماله وانتي هتفضل جواكي الكتكوتة دي مهما كبرتي
وبعدين فيه حد يبقى عنده الابتسامة دي ويضايق
روقي ... روقي
بكرة أحلى
...
طب انا جيت اشوف اليى بتزورنى من زمان فى السر دى
ازيك يا جميله انا سعيده بزياراتك برغم انى مكنتش اعرف
...بس ساعات لحظات الحزن وكسرت الخاطر على اى حاجه وعلى حالنا من غير ما يبقى فيه ما يدعو بتملانا
وبنحس ان الدنيا انتهت قبل ما تبتدى
بس ده بيدل على ان الشخص اليى بيحس كده روحه قزاز ورقيقه قوى ومن السهل التاثير فيها بأى شئ
el deeb,
me7taga el do3a awi ...thx :)
عندك حق يا ست الحسن
بس الوجع اللى بنعيشه اليومين دول بيخلينا نتشتاق للبراءة و الفراغ و الروقان بتاع الطفولة...و نسب ف العيشة بتاعة دلوقتى..شكرا ياجميلة على كلامك
mahasen saber
أنا فعلا دخلت عندك مرة تقريبا ..ان شاء الله تدوم الزيارات :)
تصدقى أنا الإنسان ساعات بيتلذذ ب أحاسيس الحزن فبيحط نفسه بنفسه ف الحالة
سعيدة بمرورك
صحيح
اتأكدت إن اللي بيشدنا بيفض محتفظ بالقوة المغناطيسيه دي
حتى لو هو اتغير واحنا كمان اتغيرنا
--
لما اتكعبلت في كومنتي اللي من سنة فاتت
اكتشفت إني جيت هنا قبل كده وقفلت كل الصف وشغلت سعاد ماسي وفضلت أقرا البوستات بشكل استغراقي للغاية
فرحت أوي لما وصلت للنهايه
--
انتي حد جميل والله العظيم
حافظي على ده
سلام
ربنا يخليك يا رب و تسلم دايما
و فرحانة اكتر انك قريت كلامى على صوت سعاد
بس ممكن أعرف اسمك ؟؟؟
شرفت
:)
كل عيد وانتى بالف خير
واسرتك وكل من تحبين
بكل صحه وستر
كل سنة وانتي طيبة
Mahasen w Anonymous:
w anto taybeen w radyeen dayman ya rab :)
Mahasen w Anonymous:
w anto taybeen w radyeen dayman ya rab :)
تقبل الله منا ومنكم
وكل عام وانتم بخير
w anta tayb ya Mr. El7oseny :)
معلشي يمكن كلامي غلس شوية
بس ايه الحلو في الماضي علشان نحن له مهوا كدا كدا حيجبنا للحاضر - و اعذريني في الكلمة دي - الزفت اللي احنا عايشين فيه ده
لا كرامة و لا هدف و لا اي حاجة
ارجعي للحاضر و شوفي نفسك بجد مش من المراية
اعتذر ان كنت ثقيل الدم
تحياتي
أحمد ,
عمر الحاضر ما كان ذى الماضى ..و الانسان بطعبته بيحن لأيام زمان خصوصا لو كانت أحلى ..بس المهم الماضى مايكلبيشوش ف حباله عشان يعرف يعيش
مفيش غلاسة و لا حاجة
:)
السلام عليكم
اولا اشكرك على مرورك بالمدونة المتواضعة خاصتي
ثانيا اعتذرعن حذف تعليقك و لكن هوا دا حال المبتدأين ارجو تشرفيني مرة تانية و ترسليه
انا كل ما في الموضوع اني بجد زهقت من حال العرب و المسلمين
بجد مش عارف ايه اللي احنا فيه ده و لييه
احنا ممكن نشكل اقوى اقتصاد عالمي
اكبر جيش موحد
ثاني اكبر ديانة في العالم
عندنا حاجات كتير ممكن نعملها
و لكن غزة الان دليل على ما كان يدور في خلدي من اشهر عديدة
و البقية تاتي
تقبلي تحياتي و اسفي على الالغاء غير المقصود للتعليق
أحمد
Post a Comment