Thursday, October 9, 2008

عندما أغضب


عندما أغضب
أنتشى بحالتى الفوضوية-
أبعثر أقلامى و كتبى على السرير , و أضع كل شئ فى مكانه الغير صحيح-
أرتدى تنورة حمراء كالدم مع جاكيت برتقالى و أكحل عيناى فلا ترى غير السواد-
أتودد لسقف غرفتى -
أتفنن فى الصراخ-
أرى الأشياء بشكل متساوى , فلا يوجد مميز-

عندما أغضب
تلتهم القسوة قلبى-
أكل الحلوى بنهم-
أكتب بهستيترية-
أشخبط على الجدران-
أمزق الستائر-
أكسر النوافذ على أنغامى الخاصة-
و دومًا يستسلم جسدى إلى الموت الصغير -

عندما أغضب
أرسم بشغف فنان محترف-
و لكن تأبى الهيئات أن تتكون
تريحنى الخطوط-
بينى و بين الألوان أسرار-
فعندما أرى الأحمر الداكن
يقبل الأخضر المخلوط بالأزرق
........أشعر

بعد الغضب
أندم دومًا

17 comments:

amraction said...

ازيييك.. عامله ايه..يارب تكونى لسه فاكرانى
ايه اخبارك واخبار الدنيا معاكى.. يارب دايما تكونى بخير

حلو البوست ده.. الغضب ممكن يعمل اى حاجه فى البنى ادم.. الرسول صلى الله عليه وسلم قال ان القوى هو الى يقدر يسيطر على غضبه..ومن ضمن السيطره دى ان الواحد فعلا يحول غضبه لطاقه يعمل بيها حاجه مفيده..
بجد بوست لذيذ..
ابقى طمنينا عليكى

أنا said...

أذيك يا عمرو؟
أنا كويسة بس الدنيا معكسانى شوية

مهما كان الأنسان قوى بيجى ف لحظة بينفجر
مفيش حد يقدر يقاوم الغضب طول حباته

حاسوباتيه said...

الغضب احساس ساعات مدمر بس لابد منه وانتي عبرتي عنه حلو قوي وكلماتك حلوه

أنا said...

حاسوباتية

منورة المدونة
شكرا على كلامك
:)

amraction said...

الدنيا معاكساكى ليه..قولى يا رب
ربنا يجيبلك دايما كل خير وسعاده.. ابقى نورينا ع النت طيب... ليكى وحشه والله

ست الحسن said...

الغضب

كويس أوي اني ألاقي حد بيتكلم عن الغضب لأنه بقى شيء متواجد وحاضر دايماً

ساعات الغضب بيبقى من حاجة بعينها ولما الأمر يعدي الغضب كمان بيدوب وبيمشي

وساعات بيبقى غضب مزمن من الدنيا كلها من أي حاجة ومن كل حاجة
الغضب من النوع التاني بيبقى غضب مدمر وناره بتحرق كل الحاجات الخضرة ومبتسمحش للبني آدم انه يتنفس أو يعيش أو يبدع

الموضوع بجد يستاهل نتكلم كلنا فيه أكتر من كده

مبسوطة منك انك كنت شجاعة واتكلمتِ عن الغضب

إبـراهيم ... معـايــا said...

العزيزة نوجا:
مبدئيًا اعتبريني تاني إنسـان ،،،، وبالمنـاسبة مررت على هـذا النـص كثيييرًا وقرأته أكثر من مـرة ، وفي كل مـرة أتسرب بـ .. صمت
.
.
دمتِ بهذا الجمــال

أنا said...

أهلا بست الحسن عندنا :)

ذى ماقلتى الغضب ساعات بيكون مدمر

بس القوى ذى ماقال عمرو هو اللى يقدر ف معظم الأحيان يمسك غضبه

ده القوى بأه

نورتى البلوج :)

أنا said...

الأستاذ إبراهيم الكبير :

أهلا بيك ف جماعة الأنسان المتوحش:)
سعيدة بقرأتك للنص كتير..يزيده شرف

منور دايمًا

نيرة و منةالله said...

اعتقد الى هيقرا البوست هيحاول ميزعلكيش خالص
بس بجد الغضب وحش اوى
كل انسان عندو غضب لازم يخرجة
بس مثلا فى الرياضة
اجرى
العبى كاراتية
بجد واضربى المدرب مش من نفسك بس هو الى بيقول للاعب اصلا بضربوا عشان يشوف قوتة اد ايه
ههههههههه
تقبلى مرورى
سلام

أنا said...
This comment has been removed by the author.
أنا said...

يا ريت كل اللى أعرفهم يقروا البوست عشان يلموا الدور :)

سعيدة بمرورك(م) جدا و مستنياك(وا) دايما

الحشرى said...

كلمات ممتازة وفيها معانى عظيمة

ما شاء الله تلم بأسلوب رائع

أنا said...

يخليك يا حشرى على الكلام الجميل

د. محمد رضــــا .. هل تراني said...

بجد روووووعه

رائع جدا

كاملة المعنى

وان كان ينقصها بعض الحس الشعري كأوزان

انما يطغى الكلام على ادراك اي شيء آخر

دام قلبك ودمتي بخير

تقبلي مروري الاول بعبقك

أنا said...

thx ya doc :)

regards

أنا said...

thx ya doc :)

regards