Tuesday, January 22, 2008

حاجات لازم تتقدر 2


الأباجورة ديه جاتلى ف عيد ميلادى و أنا صغيرة من عمتى
....ركنتها مدة طويلة و نستها
من حوالى كام شهر كده ابتديت استخدمها
و لأنها وش السعد عليا كنت لازم أقدرها
ياما كتبت ع نورها
ياما لما كنت ببصلها أحس بدفا العيلة و البيت:
الدبدوبة الأم و هى بتقرا لولدها
الغطا الى ع عليهم
القطة مغمضة عنيها شوية
بكرة التريكو.
.
.
بشكرك ع ;
نورك,
الهامك,
و
دفاكى
***


12 comments:

مصطفى السيد سمير said...

حاجات جميلة
من حقها تاخد مكانها في الذاكرة

رئيس جمهوريه نفسى said...

قليل من الكلمات كثيبر من المشاعر روعه فى الوصف وبس

YOTTA said...

:)
انا كمان باحب اقعد اكلم حاجاتى كده
بجد باحس انه واجب عليا اشكرهم..وازعقلهم كمان لما يضيعو مثلا
حتى لو ف البيت افتكرونى مجنونة ;)

البلوج جميل على فكرة

amraction said...

ازيك يا استاذه.. فينك من زماااان.. معنداش بنشوف طلتك البهيه علينا .. الايميل مضلم من غيرك.. طمنينا عليكى

أنا said...

مصطفى
نورتنى

أنا said...

رئيس
فرحنى تعليقك أوى

شكراااااااا

أنا said...

yotta...
ضحكتينى يا بنتى
بجد الحاجات دبه غالية عليا أوى و فعلا لازم نقدرها

نورتينى

أنا said...

عمرو

اذيييك؟؟؟؟
أنا لسة عايشة أهو
أصلى لسة مخلصة امتحانات

حنور تانى ان شاء الله

:D

frake_ghost said...

السلام عليكم
قريتها كلها
بسيطه قوى كده زى وبات السناك بجد روح خفيفه تنساب كده بين السطور
أفكار بريئه
حب لرمضان تذكره للنفس
حوار مع الذات
تأملات
البوست ده وقفنى كتير
بالذات الجمله دى هى اللى خلتنى اعلق اصلاً
ابتسامةٌ بلا رتوش.

تثابر للبقاء,
تخفي ضعف كائن

كان يُطلَق عليه إنسان.

بارعه بجد
ربنا يزيدك
انا هبقى قارئ دائم
مستنى حاجات لازم تتقدر 3
الورده بوستها رومانسى فعلا
تحياتى

Virgo said...

Ya rab matnsish 7ad/7aga tani Abdn Ya NonnA...
may be gwaki masha3r 7lwa awi :p

أنا said...

Frake_ghost,
ميرسى..ميرسى جداً
ملحوظة صغننة :
ديه مش وردة ده ورق لنبات و ألوانه كده و كل فرع فيه ورق منظوم كأنه وردايا
شكله تحفة

نورتنى بجد

أنا said...

virgo,

هل عندك شك؟