Friday, January 30, 2009

تقوقع

So Alone
By: Mareen Haschke

مفتقدة خصوصيتى ف الفترة الأخيرة .. الناس حاشرة نفسها ف حياتى .. بقت بتحلملى و تقررلى بالرغم من أنى مش مديّة فرصة لحد و بهاجم بضراوة أى حركة ديكتاتورية بس المحاولات مستمرة .. كل واحد عايز يسيب جزء منه جوايّا بتصوراته و بأفكاره هوّ و أنا أكون مجرد تحصيل حاصل : جسد نهال بروح تجميع
_______________________

مؤخرًا بقيت قليل لما أعرف أجاوب على سؤال عنى .. بلاقى عينى زاغت و أقعد مدة طويلة لحد ما ألاقى إجابة و ف الغالب مش بلاقى .. يمكن عشان بقيت بعيدة عن نفسى , مش بأقعد معها زى الأول و بقيت فنانة ف تمويه الحقايق و الهروب لأى هجس تانى
________________________

مانكرش أنى أصبحت غير محتملة و ناس كتير بدأوا يزعلوا منى .. منكرش بردوه أن ناس كتير بتتبخر من حواليَا و مش لأقيالهم آثر وقت ماحتجهم
________________________

رجاء مُلّح
أول : الدنيا تمطر
تانى : يطفش اللى ف بالى

8 comments:

Heba Sayed said...

يارب يطفش اللى فى بالك






بس لما الدنيا تمطر بس :D

انت تسال والكمبيوتر يجيب said...
This comment has been removed by a blog administrator.
YOTTA said...

بالنسبة لموضوع إنك بقيتى (تجميع) ده كان بييجى ف بالي كتير ف فترة معينة وبنفس المصطلح.. ويمكن ده جزء مهم من تفسير نظرية "الفتافيت"ا
:)
..

بالنسبة للأسئلة
فأبو كل الأسئلة اللى ف العالم
هى اللى جايبانا ورا
خلاص بالنسبالى مابقاش فيه أسئلة لها ردود..

..

بالنسبة لأنك أصبحتى "غير محتملة"ا
فانتى من إمتى كنتى محتملة يا نهال


:D :D

أنا هنا على فكرة لسه ماتبخرتش
انا أصلاً من النوع اللى بيتلاشى بيتلاشى ثم يختفي مش اللى بيتبخر
..

بحبك جدن :))

أنا said...

هبة

لأ يطفش الأول لحسن مش باينلها مطرة السنة دى :)

سعيدة بمرورك

أنا said...

"فأبو كل الأسئلة اللى ف العالم"
ده برده اللى أنا وصلتله

" من إمتى كنتى محتملة يا نهال "
ديه شهادة أعتز بيها جدًا جدًا :D

" بحبك جدن"
بحبك كتييييييييييييير ;)

mahasen saber said...

الاحساس دهساعات كتير بنمر بيه بشكل او باخر

المهم اننا نغير منحالتنا النفسيه للاحسن ونغير من نفسنا لو حسينا اننا بتصرفاتنا بدانا نبعد حبايبنا عننا


اما ان الناس بتحشر نفسها فدى طبيعة البشر دايما الفضول

YOTTA said...

وهتفضلي متقوقعة كده كتير

اكتبي يا نهال

عشان خاطر اى حاجة

د. محمد رضا said...

مش هتصدقي انا قريت اخر سطور ازاي

رجاء ملح .. قلت مطربة جزائرية دي

واللي تحتها اسم اغنيتين مقترحتين

منتهى العبقرية